“Ferrum Capital”a necə müraciət edə bilərəm?
Hörmətli namizəd, saytımızın vakansiyalar bölməsindən özünüzə uyğun bildiyiniz vakansiyalara müraciət etməklə, o cümlədən elektron poçt ünvanımıza vakansiya başlığını qeyd etməklə CV-nizi yollayaraq müraciət edə bilərsiniz.
Aktiv vakansiyaları haradan izləyə bilərəm?
Şirkətimizdəki aktiv vakansiyaları saytımızdan, sosial şəbəkələrimizdən (xüsusilə "LinkedIn"), "Telegram" kanalımızdan və həmçinində digər iş elanı saytlarından izləyə bilərsiniz.
Müraciət etdiyim təqdirdə geri dönüş hansı müddətdə olacaq?
Vakansiyalara müraciət etdikdə sizin CV-niz bizim bazamızda toplanır və ilkin seçim prosesində sizin səriştələriniz ilə vakansiya tələblərinin uyğunluğu yoxlanılır. Qeyd etmək istəyirik ki, yalnız ilkin seçim prosesində uğurlu olan namizədlərə geri dönüş edilir.
Müsabiqə hansı mərhələlərdən ibarətdir?
İlkin seçim mərhələsindən sonra uyğun olan namizədlərlə müsahibə mərhələsi, bəzi texniki bilik tələb edən vakansiyalarda isə müsahibə mərhələsindən sonra uyğun namizədlərlə test mərhələsi həyata keçirilir.
Namizədlərdən hansı keyfiyyətlər tələb olunur?
Namizədlərin səriştələrindən əlavə şəxsi keyfiyyətlərinə də önəm verilir. Dürüstlük, korporativ ruh, innovativlik uğurlu namizəd olmaq üçün əsas göstəricilərdir.
Müsabiqə nəticələri barədə məlumat hansı formada və müddətdə bildiriləcək?
Müsabiqədə iştirak etmiş bütün namizədlərə həm müsbət, həm mənfi halda geri dönüş edilir. Bu proses isə maksimum 7-10 gün ərzində həyata keçirilir. Nəticələr telefon zəngi və ya elektron poçt vasitəsilə bildirilir.
Eyni anda bir neçə vakansiyaya müraciət etmək mümkündürmü?
Namizədlərə yalnız öz bilik və bacarıqlarının uyğun olduğu vakansiyalara müraciət etmələri tövsiyə olunur. Əgər özünüzə bir-biri ilə əlaqəli bir neçə vakansiyanı uyğun görürsünüzsə, müraciətdə heç bir məhdudiyyət qoyulmur.
Daha əvvəl müsabiqədə namizədlik uğursuz olmuşsa, yenidən müraciət etmək mümkündürmü?
Daha əvvəl müsabiqədə uğursuz olmuş namizədlər yenidən müraciət etdikdə onların müraciətləri yenidən dəyərləndirilir və uyğun olduğu təqdirdə geri dönüş edilir.
Təcrübə proqramına müraciət etdikdə daha sonra karyera imkanları yaradılırmı?
Şirkətimizdə təcrübə proqramına müraciət etmiş təcrübəçilər bu proqramı uğurla başa çatdırdıqda onların səriştələrinə uyğun aktiv vakansiyalar mövcuddursa, həmin təcrübəçilərə karyera imkanları yaradılır.
Onu da qeyd etmək istərdik ki, bu günə qədər şirkətimizdə bir çox təcrübəçilərə real iş imkanları yaradılmışdır.
