İş görüşmələrində təcrübəli olsanız belə, iş müsahibəsi yenə də stresli ola bilir. Hər yeni iş müsahibəsində siz yeni insanlarla tanış olur, özünüz və bacarıqlarınız haqqında danışırsınız. İş müsahibəsinin daha stressiz keçməsi üçün müəyyən yollar var.

1. Şirkəti araşdırın, suallara hazırlıqlı olun. Müsahibəyə getdiyiniz şirkət haqqında əsas məlumatları araşdırmaqla müsahibənizə özünüzdən əmin şəkildə gedə bilərsiniz. Şirkətin saytından istifadə edərək sosial media paylaşımları və son mətbuat açıqlamaları şirkətin məqsədləri ilə sizin təcrübələrinizin uyğunluğunu anlamağa kömək edəcək.
   "Özünüz haqqında məlumat verin. Sizi şirkətimizə müraciət etməyə sövq edən nə oldu?" kimi ümumi suallara cavabınızı hazırlayın. Bu suallara cavab sizin kim olduğunuzu və müraciət etdiyiniz vəzifəyə hansı dəyəri qata biləcəyinizi bildirməyə kömək edir.
   Digər bir xüsus isə geyim və vaxtla bağlıdır. Əgər müsahibədən əvvəl işəgötürənlə danışırsınızsa, iş yerindəki “dress code” barədə qarşı tərəfdən soruşa və uyğun geyiminizi seçə bilərsiniz. Bundan əlavə isə bəzən müsahibəyə tez gəlmək pozitiv nəticələrə səbəb ola bilər. Ona görə də 10-15 dəqiqə tez gəlmək üçün cədvəlinizi öncədən planlaşdırın.
   Müsahibə keçiriləcək yerə olan marşrutunuzu əvvəlcədən müəyyən edin ki, vaxtında gələ biləsiniz. Əgər ictimai nəqliyyatdan istifadə edəcəksinizsə, gecikmələrə qarşı alternativ çıxış yolunuzu müəyyən edin.
2. Keçmiş təcrübələriniz haqqında suallara hazırlıqlı olun. Müsahibə zamanı yəqin ki, vəzifə ilə əlaqədar əvvəllər yerinə yetirdiyiniz konkret öhdəliklər barədə sizdən məlumatlar soruşulacaq. İş təsvirini nəzərdən keçirdikdən sonra keçmiş işlərinizdə, könüllülük fəaliyyətlərinizdə gördüyünüz işləri təsvir edin. Bu işlər işəgötürənin tələb etdiyi işi yerinə yetirməkdə təcrübəniz olduğunu göstərir. Həmçinin siz də sual verin. Müsahibələrdə işəgötürənlər sizdən sual verməyinizi gözləyirlər. Müsahibələrdə verə biləcəyiniz bəzi suallar bunlardır:
   - Bu işdə gündəlik vəzifələrimin bəzilərini izah edə bilərsinizmi?
   - Bu vəzifədə olsam, performansımı necə ölçəcəksiniz?
   - Komanda müntəzəm olaraq hansı şöbələrlə əməkdaşlıq edir?
   - Hal-hazırda bu vəzifə üzrə qarşılaşılan əsas çətinliklər hansılardır?
3. Bədən dilini məşq edin və pozitiv olun. Binaya daxil olduğunuz andan bədən dilinizi məşq edin. Müsahibədən əvvəl dərindən nəfəs alın, yavaş-yavaş narahatlıq hissini idarə edin və özünüzə inamınızı artırın. Söhbət zamanı səmimi olmaq işəgötürənin sizinlə asanlıqla ünsiyyət qurmasına kömək edə bilər. Gülərüz və pozitiv ruhlu bədən dili ilə danışmaq sizin şansınızı artırır.
4. Səmimi olun. Səmimi olmaq sizin üçün ən yaxşı qapıları aça bilər. Sözlərinizdə güvənli və səmimi olun ki, qarşınızdakı müsahibiniz sizinlə rahat danışa bilsin. Beləcə qaranlıq suallar qalmayacaq və şansınız daha da artacaq.
5. Növbəti mərhələ haqqında soruşun. Müsahibənizin sonunda işəgötürəndən növbəti mərhələdə sizi nəyin gözlədiyini soruşa bilərsiniz. Bu, çox güman ki, sizin müsahibə nəticəniz və ya əlavə müsahibənin təyini ilə bağlı əlaqə qurmaq olacaq.

     Biz öz bildiyimiz 5 addımı sizinlə bölüşdük. Amma təbiidir ki, hər kəsin fərqli təcrübələri və fərqli baxış bucağı var. Ola bilsin ki, sizin ağlınızda daha yaxşı ideya var. Əsas olan odur ki, ilk iş görüşündə öz şansınıza inanın və özünüzü tam ifadə edin.